|
| 暫別 xanga 考慮咗一段時間, 都係想轉用 yahoo 寫 blog... Xanga, 暫別了  http://hk.myblog.yahoo.com/bonnie_samuel0617 得閒去 "參觀" 吓啦! | | |
| 呢件事一定要寫低佢, 激死我  話說早幾個星期已經決定 16/4 同老細去廣交會, 一早我申請好晒張 e-pass, 又問過佢駛唔駛book定火車飛, 當然佢嘅答案係 : 唔駛啦, 好多車o架, 到時坐唔到火車咪坐大巴囉... 但係... 出發前2日, 老細就話都係坐火車好, 因為舒服啲, 而且又快啲. 咁就拿拿聲上網訂飛啦, 點知我哋想坐嗰班已經冇位, 一係就7點幾, 一係就10點幾, 我就梗係prefer 7點幾啦, 早啲去早啲走, 佢開頭都話 ok o架, 但到我差啲啲按 "confirm"時, 佢又話不如都係改10點幾啦  事但啦, 佢話咩就咩啦. 當日喺會埸行完一圈, 就過對面酒店食lunch啦 (差不多3點), 陪佢等佢朋友接佢走, 順便放低我喺火車站 (即係得我一個人生路不熟咁返香港). 本來諗住喺酒店 book 埋直通火車, 不過酒店話已經 full 咗, 最早要八點幾嗰班車... 等到4點幾, 老細嘅朋友終於都到嘞, 但係... 竟然喺個舊火車站放低我!!! 即係過年睇電視, 啲民工排隊返大陸嗰度! 我一個女仔, 真係好驚, 啲人又污漕又週圍吐啖, 嗰一刻真係想喊... 排咗一陣到我啦 (好彩啲人都肯排隊), 點知最早班車都要到 7 點幾. 梗係唔等啦, 就行去的士站又等多一陣搭的士返頭先間酒店, 去到差不多5點半, 咁啱佢有班大巴返香港... 真係黑仔到痺, 竟然因為塞車, 等到 18 : 05先上到車  落到皇崗都八點幾, 我就轉車返荃灣, 喺荃灣地鐵站落車時已經九點嘞... 即係我由4點幾起行, 經過 4 個幾鐘先返到... 到咗香港打俾苗苗, 先知原來有火車壞咗, 仲有兩班車 cancel 咗... 嗰刻就覺得好感恩, 如果我決定喺火車站等7點幾嗰班車, 分分鐘九點幾都未返到香港, 仲要喺個咁得人驚嘅火車站, 我諗我喊都有份... 其實都唔係第一次返大陸, 不過今次真係好驚, 一來第一次去廣州, 而且一直聽人講都話廣州治安麻麻... 之前去其他地方 / 工廠, 我都覺得自己好隨和, 去邊度食嘢都得, 去工人用嘅廁所又得, 不過今次廣州真係... 不過我覺得我今次已經好叻, 因為都冇打到俾苗苗同媽咪, 我知如果我真係 call 佢哋, 只會令佢哋更擔心, 所以我都係等安全情況下 (即係confirm買到車飛時) 先打俾苗苗! 總之, 如果出年仲要去廣交會, 我就會一早book定車飛, 如果唔係我就寧願唔去! 一於咁話  | | |
| 上個星期約咗兩個姊妹食飯, 大家都講到想生 bb 嘅掙扎 / 困難, 一方面好開心, 神俾我身邊有呢班 "同路人", 我哋幾pair都係差不多時間結婚, 之前就一齊傾婚禮嘅事, 初婚時就傾兩個人相處問題, 到依家就傾生 bb... 可能, 遲啲大家圍埋就係講湊仔經  . 另一方面, 又令我開始擔心  其實上次嘅 "意外" 之後, 可能大家覺得我已經 over-come 咗, 但係, 我自己知道 --> 係 "未" o架! 每次喺街度見到有人大肚, 或者有人推住bb車, 我都諗 : 點解神冇喺呢件事保守我咁嘅? 好多點解, 點解. 我知道, 我唔應該問, 我知道, 我應該要順服, 但係, 真係好難. 咁多年喺教會嘅學習, 我唔敢同弟兄姊妹講我嘅感受, 怕俾人覺得我對神冇信心. 而且, 我教小朋友時都有同佢哋講, 無論發生咩事, 神都保守我哋o架! 我哋要對神有信心呀! 咁... 我又點可以當困難發生喺我身上時冇信心呢! 星期一去睇中醫時, 醫師話我身體都 ok 嘞, 可以再 "努力", 但係我個心真係好驚... 好驚同一件事再發生喺我身上... 請大家為我禱告, 叫我心裡有平安, 也求神賜一個小生命俾我哋. 有一首節經文 (都係一首詩歌), 係我上次喺手術室等候時心裡面唱的. 詩篇第一百二十一篇 我要向高山舉目，我的幫助從何而來？
我的幫助從造天地的耶和華而來！
祂必不叫你的腳搖動，保護你的必不打盹，
保護以色列的也不打盹，也不睡覺！
保護你的是耶和華，耶和華在你右邊蔭庇你。
白日太陽必不傷你，夜間月亮必不害你。
耶和華要保護你，免受一切的災害。
祂要保護你的性命，你出你入，
耶和華要保護你，從今時直到永遠！ 神啊, 求你繼續保護我!
var ap_name = navigator.appName; if(ap_name=='Netscape') { document.write(' | | |
| 3月22日 & 3月23日 珠海自由行 好開心今次可以同一班婚前輔導同學一齊去旅行, 雖然只係2日1夜, 不過都玩得好開心, 我哋叫呢個做 : 無聊勁 hea 珠海團! 領隊當然係最得閒嘅我啦, hehe 參加者來自不同團契 : Dobby & Chung (六牧) Charis & Jenson (五牧) 康怡 & Peter (Agape Tue) Jean & Fai - 因為醫生要下晝1點先放工, 所以佢哋呢pair搭15:30船入嚟 Bonnie & Samuel (牧伉) 我哋一行10人入住珠海渡假村, 間酒店都幾舊, 不過啲房都ok, 我哋張床超大, 有8尺 x 6尺, 真係4個人都夠瞓! 星期六搭11:30船, 船程只係90分鐘, 好快啊! check-in後我哋唔知咩叫"人多"同"雜", 走咗去拱北行街同食飯, 點知...商場好似葵涌廣場, 而啲酒樓真係麻麻到極點! 行去超市途中, 其中一個男團員竟然唔識死, 喺街邊買咗杯 5 蚊杯嘅珍珠奶茶, 仲一路飲一路話好味, 後果當然係"瀉"啦... 好辛苦咁等埋Jean & Fai嚟到, 我哋就喺渡假村行咗一個圈 (有部份團友體力不支要稍事休息), 又book咗晚飯前按摩! 晚餐地點係好出名嘅 "五月花海鮮酒樓", 不過價錢都相當非一般, 不過都算好食啦! 因為嗰晚係木村套"華麗一族"大結局, 我哋一行人返咗酒店睇電視, 睇完再講埋感想先捨得返房瞓! 第二日食完早餐就去咗玩酒店設施, 當然唔可以放過酒店送嘅保齡球啦, 雖然只係每人一局, 不過我哋咁多人都玩咗差不多一個鐘! 跟住有啲去玩高卡車,不過因為我覺得太貴所以冇玩, 我哋同埋Dobby & Chung就去踩水上單車 ($20可以踩足20分鐘啊)! 風境唔錯! 
玩完食埋飯就去中藥谷, service真係麻麻哋, Dobby & Chung竟然等咗一個鐘都冇師傅幫佢哋按摩, 最後因為時間關係, 佢哋只係浸咗一陣中藥就走! 晚餐就喺碼頭附近嘅酒家, 不過因為Jean & Fai要早一班船走, 我哋只好送佢哋去碼頭, 跟住就得返8個人食飯! 不過... 都冇影響大家胃口, haha! 啲嘢真係幾好食, 係比較辣... 苗苗唔食得辣嘢, 成餐飯都冇乜點食, 惟有返到上環同佢去食壽司啦! 水煮魚, 成盤都係辣油 
辣椒炒土豆 
回程時大家都有分享 (分開弟兄組同姊妹組), 姊妹們嘅分享另我好感動, 知道大家都有不同嘅困難, 要積極面對呀! 我哋所經歷嘅可能都有唔明白嘅地方, 但我相信, 神俾我哋嘅一定係最好嘅! 而且每一件事都有神嘅計劃, 與其坐喺度問點解點解, 不如努力 / 正面地去面對同解決! 今次旅程真係好開心, 大家又計劃定暑假再一齊去玩! 不過, 如果大家開始有bb, 呢個團嘅參加人數只會越來越少... 交俾神啦! 仲有就係俾我深深感受到Jean & Fai決心同我哋去hea / 玩嘅誠意, Fai星期四返工仲要long call (即星期五下晝一點先放工), 連踩28小時放工後即刻搭船嚟搵我哋! Jean都好勁o架, 之前嗰晚係返night, 即係收工後瞓咗一陣就要去接佢老公放工! 真係要俾個"誠意大獎"佢哋! | | |
|
